D'r Kloon



Refrein
Ee bietje kloon kan gaar neet zónger
'ne echte kloon vingt dit ee wónger
Zieng vasteloavend sjpant de kroeën
zoeë vöal beloavend en zoeë sjoeën
'ne echte kloon deë vingt dit ee wónger
ee bietje kloon kin gaar neet zónger !

Kouplet 1
D'r kloon is te herkinne an pruuk en groeëte sjoon
zie hat dat zit va binne doa leëft d'r echte kloon
woe wermte humor en geveul is
wat vuur d'r kloon zoeë gans geweun is....

Kouplet 2
Mit sjwoeng en mit alure zoe wietzig en sjarmant
liet heë 't wer gebure zoeë sjprietsig en óntsjpand
Die groeëte vasteloavespieste
dat is de heemet van artieste....

Kouplet 3
D'rnoa is heë verloate de pruuk verrinneweerd
heë toefelt durch de sjtroate d'r sjmienk versjangeleerd
Alling de sjterre en 't möantje
zient van d'r kloon 't ieësjte tröantje....