Zoeëget sjoeëns



Refrein
Zoeë get sjoeëns zuus te neet al te deks
mie kink doe bis get gans gevreks
zoeë sjoeën sjtuk verkleide natuur
dat kunt mar zelde vuur
zoeë get sjoeëns zuus te neet al te deks
mie kink doe bis get gans gevreks
zoeë sjoeën gesjmienkt gezich
dat huët alling bei dich !

Kouplet 1
Oet deë bónte vasteloavessjtroek
sjprinkt éé blumke dudelik oet
dat blumke mie kink bis dich
mit die sjoeën gesjmienkt gezich
doe bis wie ee pleëtje oet ee book
en wie d’r sjlagroom óp d’r kook
mie kink noe zaag toch zelf
oane dich is ’t toch mar de helf….

Kouplet 2
As ich noa de vasteloavesdaag
gaar neet mieë an dich dinke maag
da veul ich mich óngeweun
’tis gedoa mit miene dreum
en d’r kook is óp en ’t book is touw
’t góng wer allenui te gouw
ing sjoeën herinnering
woeë ich nog ummer va zing…