Limburg doe kans gruëtsj zieë
Refrein
Limburg doe kans gans gruëtsj óp dich zieë
Limburg mie Limburg doe has toch zoeëvöal mieë
Gee land dat zoeëvöal hat zoeng sjarme en deë sfeer
juus doarum mie Limburg zint v'r hei zoeë geer !
Kouplet 1
Och mie hoes en miene gaad
is mar ee puntje óp de kaat
mè dat lik da waal i Limburg
En dat is mich alles weëd
't allersjoeënste óp de eëd
mieng heemet is hei i Limburg
Óch al is neet alles good wat blinkt
mè nurges zoeëne sfeer wie hei i Limburg hingt....
Kouplet 2
Uëveral ing meledie
van de fanfaar en hermenie
d'r meziek vult hei de sjtroate
Mit medaljes óp d'r boek
truk óch de sjutterei hei oet
ze zint d'r in alle soate
Zoeëvöal sjoeëns dat is toch puur kultuur
wie vasteloavend zit dat deep in ós natuur....
Kouplet 3
Wat ee land van berg en Maas
mit drei-en-twintig soate vlaas
en nog doezend anger dinger
Zoeëvöal klure brons en greun
die zint i Limburg gans geweun
zoeëvöal kin ich neet bezinge
en doe preufs hei is nog zoeëvöal mieë
umdat te veule móste hei geboare zieë.....