Gruëtsj óp Welte
Refrein
Welte doe kans gans gruëtsj óp dich zieë
Welte mie Welte doe has toch zoeëvöal mieë
al bis te óch mar kling, gans groeët is diene sfeer
juus doarum mie Welte zint v’r hei zoeë geer!
Kouplet 1
Och mie hoes en miene gaad
is mar ee puntje óp de kaat
mè dat lik da waal i Welte
en dat is mich alles weëd
’t allersjoeënste óp de eëd
mieng heemet is hei i Welte
en doe preufs hei is nog zoeëvöal mieë
umdat te veule mós te hei geboare zieë…
Kouplet 2
An d’r weier óp de bank
huësj te va wied ’ne muzikant
repeteert vuur ee fes i Welte
en doa an d’r waterkank
ee kink mit broeëd nog in de hank
’t vruit zich ’t voort de ende
woeë de zjwaan doa uëver ’t water zjweëft
ee sjtuksjke Welte wie ’t ummer had geleëfd…
Kouplet 3
Bekiek de hoezer en de kirk
de Weltermuële of gen Lirp
of get angesj sjoeëns i Welte
in ós dörpke in ’t greun
doa don’t de lüj zoeë gans geweun
dat is juus d’r sfeer va Welte
dat is ’t dat is noe juus de reë
dat dat i Welte zoeë al ummer is geweë…