Ós ege Heële (PAUL)

Refrein
Vier viere carnaval in ós ege Heële
vier viere carnaval in ós ege sjtad
d’r klingste jóng en d’r allergroeëtste keël
deë is toch vroeë dat ’e Heële hat
vier vier carnaval in ós ege Heële
da zint v’r wer bei-ee
v’r zint noe eemoal winkbülle
vier huren ui bei-ee

Kouplet 1
I Heële zitte lüj die wal ins zage
dat Heële is toch gaar ging echte sjtad
mè went die hei i Heële zint geboare } 2
da wete ze dat Heële waal get hat…. } x

Kouplet 2
D’r plei de kirk de lüj dich ins bekieke
da zuus te wal wat Heële vuur ós is
mit vasteloavend loate vier da blieke } 2
woarum ste toch zoeë geer i Heële bis} x

Kouplet 3
Gans Heële is mit carnaval wer saqme
d’r óptoch hat bei ós get los gemak
de zate hermeniekes sjpiele hoempa } 2
doa hant vier noe ee gans joar óp gewach } x