Vreëme

”Dokter”, zeët d’r vreëme man
”blie dat ich Uch sjpreëke kan
ich veul mich alling, ich ha zoevöal leed”
”millesien doavuur” zeët d’r dokter ”han ich neet”

”ich han get angesj ich weet ’t good gemak
dier hat geluk, d’r is ’e sirkus in de sjtad
die hant inne kloon va groeëte klasse
deë lacht en mak de gekste griemasse”
”deë lieët de lüj buldere, d’r betste deë ich kin
goat Uch doa óntsjpanne, goat doa mar hin

d’r noa zeet d’r geneëze dat verzieker ich dich”
”ja mè dokter” zeët d’r vreëme miensj
”deë kloon… deë kloon …bin ich”.