De drei sjoeënste dinger



Refrein
Vuur dich han ich gekoaze
gans alling vuur dich
ich bin noe oetgebloaze
doa sjteet de tröat va mich
ich ving dich zoeë sjoeën en sjiek
doe bis vuur mich meziek
wat zouw ich da tröate dat wuur dóm va mich
ich bin kapot van deë muziek van dich

Kouplet 1
Drei dinger zint zoeë vöal beloavend
de sjoeënste van de vasteloavend
’t is die meëdje de tröat en ’t pilske
mè doe mós waal besjlete wat wilste….

Kouplet 2
Drei dinger teg’liek kan toch ginne
en zoeëget zouw ich gaar neet wille
ich kan waal zónger de tröat en ee gleëske
va ze leëve neet zónger mie meëdje….

Kouplet 3
De tröate bei de vasteloavend
die klinke van ’smörges tot ’soaves
en vuur ’t pilske hant v’r nog ee trüksjke
tusjedurch drink’ v’r same ee sjlüksjke….